काठमाडौं : नयाँ शक्ति पार्टीका संयोजक डा बाबुराम भट्टराईले बजेट रामायणको कथाजस्तो भएको टिप्पणी गरेका छन्। प्रतिनिधिसभा बैठममा बजेटमाथि छलफलका क्रममा पूर्वप्रधानमन्त्री समेत रहेका भट्टराईले बजेट रामायणाको कथामा हनुमानले संजीवनी बुटी चिन्न नसकेर पहाड नै बोके जस्तै भएको भनी टिप्पणी गरेका छन् । सरकारले दाबी गरे जस्तो संमृद्विको सपना पूरा हुने खालको बजेट नआएको भट्टरार्इले बताए। बहुमत सरकारले सपना बाड्ने काम गरेको र बजेटमा त्यस्ता कुरा समावेश नगरिएको उनले आरोप लगाए।
बजेटमा सम्भाव्यता खोजी गरिनेछ, प्रक्रिया अघि बढाइने छ, अध्ययन गरिनेछ, भन्ने जस्ता शब्दावली मात्रै प्रयोग भएको र योजनाका स्पष्ट मागर्चित्र नभएको प्रतिक्रिया दिए। ‘बजेट निर्माणका क्रममा प्राथमिकता निर्धारणमा समस्या रह्यो।’ उनले भने। थुप्रै पूराना कार्यक्रम भएपनि अर्थमन्त्रीले । कुन राम्रो कुन नराम्रो थाहा नपाएर बजेट ल्याएको भट्टराईको टिप्पणी थियो।
पूर्व अर्थमन्त्रीसमेत रहेका भट्टराईले बजेटले कृषिमाथि आधारित अर्थतन्त्रको सम्भावना खोज्न नसकेको बताए । बजेटका उद्देश्य राम्रा भएपनि कुन बाटोमा जाने भन्ने अर्थमन्त्री अलमलिएको उनले बताए।
देश संघीयतामा गए पनि बजेट केन्द्रमै सीमित रहेको उनले अरोप लगाए।
प्रतिक्रिया दिनुहोस !
