काठमाडौँ: संघीय राजधानी काठमाडौं उपत्यकामा मात्रै निर्माण व्यवसायीले ठेक्का लिएर काम नगर्दा ३४२ आयोजना अलपत्र परेका छन् । तोकिएको समयमा ठेकेदारले काम नगरेपछि कयौँ योजना अलपत्र परेका अलपत्र छन् ।
ठेकेदारले सम्झौता अनुसार काम नगरेका कारण यति धेरै आयोजना राजधानीमै अलपत्र भएका हुन् । सम्झौता गरेर समयमा काम गर्न नसकेका ठेकेदारमाथि कडाई गर्दै गृहमन्त्रालयले ठेकेदारहरुको सूची तयार पारेको हो ।
उक्त सूचीमा राजधानीमा मात्रै ३४२ आयोजना काम अधरै छन् । कतिपय आयोजनाको त काम नै सुरु भएको छैन । गृहले भौतिक पुर्वाधारको नाम, ठेकदार कम्पनी, सम्झौता भएको अवधि र कार्यप्रगति सहित सूची तयार पारेको छ ।
ओगटेर कामै गरेनन्
जसमा १५० भन्दा बढी आयोजनाको कामको प्रतगित अत्यन्त न्यून छ । एउटै निर्माण कम्पनीले धेरै आयोजना लिएर अलपत्र पारेको पनि भेटिएको छ ।
धेरै ठेक्का लिएका ठेकेदारले त अझ काम नै सुरुवात गरेका छैनन् । गोरखा एप्रोप्रियट टेक्निोलोजी फर रिकन्स्ट्रक्सन प्रालि, ओकेएस प्राली, रुद्रादेवी कन्स्ट्रक्सन, राजधानी कन्स्ट्रक्सन, शैलेश कन्स्ट्रक्सन, कोशी कन्स्ट्रक्सन, पूर्ण विनायक कन्स्ट्रक्सन, पशुपति कन्स्ट्रक्सन, जागृत निर्माण सेवा र जल्पा निर्माण सेवा लगायत निर्माण कम्पनी एक भन्दा बढी ठेक्का लिएर काम अलपत्र छोडेका छन् ।
गृहमन्त्रालयको सूची अनुसार गोरखा एप्रोप्रियट टेक्निोलोजी फर रिकन्ट्रक्सन प्रालिले २०६८ असार २० गते सम्झौता गरेको उपत्यका सहरी सडक अन्तर्गत सडक निर्माण-सुधारको कामसम्बन्धी ७ वटा ठेक्कामध्ये ६ वटाको सुरु नै भएको छैन भने एउटाको २७ प्रतिशत मात्रै काम भएको छ ।
पप्पु र कालिका पनि उस्तै
एकै मिति सातवटा ठेक्काको सम्झौता गरेको गोरखाले अरु मितिमा पनि अन्य ७ ठेक्का लिएको छ । नाम चलेका ठूला निर्माण कम्पनीले समेत समयमा काम पुरा गरेका छैनन् ।
राजपा नेता एवं सांसद हरिनारायण रौनियारको पप्पु कन्स्ट्रक्सन, राप्रपा नेता एवम् पूर्वमन्त्री विक्रम पाण्डेको कालिका कन्स्ट्रक्सन पनि समय काम नसक्ने निर्माण कम्पनीमा परेका छन् ।
२०७३ चैत १ गते सम्झौता गरेको मैजुवहाल सडक सुधारको कार्य पप्पुले सुरुवात गरेको छैन । पप्पुले त राजधानीमा एक दर्जन सडक लिएको छ । कालिकाले ठेक्का लिएको चक्रपथ-समाखुसी-टोखा-गुर्जेभञ्ज्याङ प्याकेज १ र २ सडकको नाम समेत अघि बढाएको छैन । उसले सिमा विवादको बहानामा काम नथालेको हो ।
काम नगर्ने यी ठेकेदारहरुलाई गृहमन्त्री रामबहादुर थापा‘बादल’कारवाही गर्लान् त ? गृहमन्त्री थापाकै पहलमा यो सूची पनि तयार गरिएको हो ।
काठमाडौँ बाहिरका केही ठेकेदार पक्राउ गरेर थुन्नेसम्मको काम गरिरहेका बेला राजधानीमै यतिधेरै योजना अलपत्र छोड्ने ठेकदारविरुद्ध गृहमन्त्रीको ‘एक्सन’ प्रतिक्षाको विषय बनेको छ।
काम नगर्ने ठेकेदार र अलपत्र योजना
प्रतिक्रिया दिनुहोस !
