काठमाडौं : उपप्रधानमन्त्री नै नराख्ने भनिएको प्रधानमन्त्री केपी शर्मा ओली नेतृत्वको सरकारमा दुई उपप्रधानमन्त्री बन्नेका छन्। संघीय समाजवादी फोरमका अध्यक्ष उपेन्द्र यादव सरकारमा सहभागी भएपछि मर्यादाक्रम मिलाउन रक्षामन्त्री ईश्वर पोखरेल र स्वास्थ्यमन्त्री यादवलाई उपप्रधानमन्त्रीको जिम्मेवारी दिइएको हो।
शुक्रबार ओली सरकारमा फोरमबाट अध्यक्ष यादव र सांसाद मोहम्मद इस्तियाक राई मन्त्री बनेका हुन्। राईलाई सहरी विकास मन्त्रीको जिम्मेवारी दिइएको छ। सरकार विस्तारकै क्रममा यसअघि सञ्चार राज्यमन्त्रीको जिम्मेवारीमा रहेका गोकुल बास्कोटालाई सञ्चार मन्त्रीकै जिम्मेवारी दिइएको छ।
प्रतिक्रिया दिनुहोस !
