मलंगवा : सर्लाहीको ईश्वरपुर नगरपालिका १२ घारीबथानमा मंगलबार साँझ चट्याङ लागेर एक महिलाको मृत्यु भएको छ। तीनजना गम्भीर घाइते भएका छन्। घरमा बसिरहेका बेला साँझ साँढे ६ बजेतिर चट्याङ लागेर स्थानीय ४० वर्षीया जोखुमाया वाइवाको घटनास्थलमै मृत्यु भएको हो।
चट्याङ लागेर मृतककी छोरी ७ वर्षीया पुनु वाइवा, छिमेकी ७० वर्षीया शान्तामाया क्यापछाकी र १० वर्षका सरोज विक घाइते भएका छन्। उनीहरुलाई लालबन्दीमा सामान्य उपचार गर िवीरगञ्ज रेफर गरिएको सर्लाही प्रहरीका प्रवक्ता एवं डीएसपी राजेश थापाले जानकारी दिए।
प्रतिक्रिया दिनुहोस !
