‘राजपाले प्रदेश २ को सरकारलाई दिएको समर्थन फिर्ता लिन्छ’
जेठ २३, २०७५ बुधबार १९:२०:०
काठमाडौं : राष्ट्रिय जनता पार्टी (राजापा) नेपालका महासचिव एवं प्रदेशसभा सदस्य मनिष सुमनले प्रदेश २ को फोरम नेतृत्वको सरकारबाट आफ्नो पार्टी फिर्ता हुने बताएका छन्।
बुधबार राजधानीमा आयोजित साक्षात्कारमा नेता सुमनले मधेस आन्दोलनको भावनाविपरीत उपेन्द्र यादव सरकारमा गएको आरोप लगाउँदै नेकपा र फोरम नेपालबीच भएको दुई बुँदे सहमति सत्तामा चढ्ने सिँढी मात्रै भएकाले आफ्नो पार्टी सरकारबाट बाहिरिने स्पष्ट पारे।
पार्टीको राजनीतिक समितिको आगामी २५ गते बस्ने बैठकबाट प्रदेश २ को सरकारबाट अलग हुने र केन्द्र सरकारलाई दिएको समर्थन फिर्ता लिने उनको भनाइ छ।
‘झुट बोल्नेलाई हामी समर्थन गर्दैनौँ, संविधान संशोधन गर्ने विषयमा झ विश्वास देखाएर झुट बोल्ने काम भयो, आगामी २५ गतेको बैठकबाट दिएको समर्थन फिर्ता लिने निर्णय गर्छौं’, महासचिव सुमनले भने।
उनले नेकपाले राष्ट्रपति निर्वाचन, प्रधानमन्त्रीको निर्वाचन र सभामुखको निर्वाचनमा संविधान संशोधन गर्छौं मत दिनुहोस् भनेर ढाँटेको आरोप समेत लागाए। रासस
प्रतिक्रिया दिनुहोस !
