काठमाडौँः नेकपा एमाले र नेकपा माओवादी केन्द्र मिलेर बनेको नेपाल कम्युनिस्ट पार्टी (नेकपा) बुधबार निर्वाचन आयोग नेपालमा दर्ता भएको छ । दुवै पार्टीबीच गत जेठ ३ गते एकताको घोषणा भएपछि अन्डरलाइन राखेर नेपाल कम्युनिस्ट पार्टी निर्वाचन आयोगमा दर्ता गरिएको थियो ।
तर नेकपाका नेताहरुले विभिन्न पक्षको सुझाव लिएर निर्वाचन आयोगमा (नेकपा) दर्ता गरिएको जनाएका छन् । दुई पार्टी मिलेर बनेको नयाँ पार्टी अब विधिवत रुपमा नेपाल कम्युनिस्ट पार्टी (नेकपा) भएको छ ।
नेपाल कम्युनिस्ट पार्टी भनिए पनि आयोगमा भने देशै सबैभन्दा ठुलो दलका रुपमा ब्राइकेट भित्रको (नेकपा) दर्ता भएको हो । एकताका क्रममा नयाँ पार्टीको नाम नेपाल कम्युनिस्ट पार्टी राखिएको थियो ।
तर निर्वाचन आयोगमा यसअघि नै ऋषि कट्टेलले नेपाल कम्युनिस्ट पार्टी दर्ता गरिसकेकाले त्यही नाममा दर्ता गर्न समस्या भएपछि नाममा अन्डरलाइन राखेर आयोगमा निवेदन दिइएको थियो ।
निर्वाचन आयोगका कानुन अधिकृत अरुणकुमार झाले बुधबार निकालेको विज्ञप्तीमा नेकपा एमाले र नेकपा माओवादी केन्द्र एकीकरण गरी बनेको नेपाल कम्युनिस्ट पार्टी (नेकपा) दर्ता भएको जनाइएको छ ।
प्रतिक्रिया दिनुहोस !
