कायरो : इजिप्ट २८ वर्षपछि फेरि विश्वकप फुटबलमा फर्किएको छ । इजिप्टको यो विश्वकप फड्कोले फुटबलको सबैभन्दा ठूलो प्रतियोगितामा मोहम्मद सलाहको उदय र इजिप्सियन फुटबलले पाएको पुनर्जीवनको प्रतिनिधित्व गरेको छ । इजिप्टको घरेलु फुटबलले सन् २०१२ को मध्यतिर ठूलो दुर्घटनामा बेहो¥यो । घरेलु फुटबलको एक प्रतिस्पर्धाका क्रममा स्टेडियमभित्रै झडप हँुदा ७४ समर्थकको मृत्यु भयो । त्यससँगै सरकारले फुटबलमाथि दुई वर्षको प्रतिबन्ध लगायो ।
सोही समयतिर राष्ट्रिय टोलीबाट ‘डेब्यु’ गरेका सलाहलाई पनि त्यो निर्णयले ठूलो असर ग¥यो । यद्यपि स्विट्जरल्यान्डको क्लब एफसी बासेलले इजिप्टमा गरेको एक मैत्रीपूर्ण खेलपछि सलाहलाई आफूसँगै अनुबन्ध गर्ने निर्णय ग¥यो । त्यो निर्णयपछि सलाह इजिप्टको मात्रै होइन, युरोपेली क्लब फुटबलकै सशक्त खेलाडीका रूपमा उदाए । सलाह बासेलपछि इङ्लिस क्लब चेल्सी, इटालियन क्लब फियोरेन्टिना, एएस रोमा हुँदै अहिले लिभरपुलका मुख्य खेलाडीका रूपमा स्थापित छन् ।
दुई वर्षको घरेलु प्रतिबन्धपछि फर्किएको इजिप्टको फुटबल अहिले सलाहकै उत्कृष्ट प्रदर्शनमा झन्डै तीन दशकपछि विश्वकप फुटबलमा पुगेको छ । इजिप्टले आगामी जुन १५ मा उरुग्वेविरुद्ध खेल्दै रुस विश्वकपमा आफ्नो यात्रा सुरु गर्दा अन्तर्राष्ट्रिय फुटबलले इजिप्सियन फुटबलले पाएको पुनर्जीवनको कथाको खुलेर प्रशंसा गर्नेछ । यद्यपि त्यसले इजिप्ट र सलाहमाथि अझ राम्रो प्रदर्शन गर्नुपर्ने दबाब पनि थप्नेछ ।
विश्वकपमा इजिप्टको इतिहास भने राम्रो छैन । यसअघिका दुई विश्वकपमा इजिप्टले एउटा पनि खेल जित्न सकेको छैन । इजिप्ट यस्तो टोली पनि हो, जसले अफ्रिकी महादेशमा हात पारेकोमध्ये थोरै प्रतिशत पनि सफलतालाई विश्वकप फुटबलमा दोहो¥याउन सकेको छैन । इजिप्ट अफ्रिकी कप अफ नेसन्सको सर्वाधिक उपाधि जित्ने टोली हो । इजिप्टले अहिलेसम्म सातपटक यो उपाधि जितेको छ ।
त्यसैले रुसमा सलाह र उनको नेतृत्वमा रहने टोलीमाथि इजिप्टलाई पहिलो जित दिलाउने र सम्भव भएसम्म उपाधितर्फको बाटोमा अघि बढाउने जिम्मेवारी रहनेछ । यद्यपि पछिल्लो मैत्रीपूर्ण खेल र महŒवपूर्ण खेलाडी सलाहको चोटले इजिप्टमाथि केही दबाब भने थपेको छ । च्याम्पियन्स लिग फाइनलमा रियल म्याड्रिडविरुद्ध खेल्ने क्रममा चोटग्रस्त बनेका सलाहले उरुग्वेविरुद्धको पहिलो खेल गुमाउने भएका छन् । त्यसमाथि यो वर्ष खेलेका चार मैत्रीपूर्ण खेलमा इजिप्ट जितविहीन छ । इजिप्टले पोर्चुगल र ग्रिससँग पराजय बेहोरेको छ भने कुवेत र कोलम्बियासँग बराबरी खेलेको छ ।
इजिप्टको टोली
गोलरक्षक: इसाम इल हादरी (अल तावन एफसी), सेरिफ इकरामी (अल अस्ली एससी) र मोहमद इलनेनावी (अल अस्ली एससी)
रक्षक: अली गाबर (वेस्ट ब्रोमविच), अहमेद इलमोहामादी (एस्टन भिल्ला), अहमेद हेगाजी (वेस्ट ब्रोमविच), अहमेद फतही (अल अहली), यमन असरफ (अल अहली), मोहम्मद अब्देलसाफी (अल फतेह), महमद हाम्दी (जमालेक) र समिर साद (अल अहली)
मिडफिल्डर: ओमार गाबर (लस एन्जेलस), साम मोर्सी (विगन एथलेटिक), तारेक हामेद (जमालेक), मोहम्मद इलनेनी (आर्सनल), अब्दल्ला सइद (कुवपिवन पीएस) र ट्रजेगुइस्ट (कासिमपासा एसके)
स्ट्राइकर: मर्वान मोहसेन (अल अहली), मोहमद सलाह (लिभरपुल), कहरवा (अल इत्तिहाद), रमदान सोभी (स्टोक सिटी), सिकबाल (अल रइद) र अमर वार्दा (अट्रोमिटोस)
प्रशिक्षक: हेक्टोर कुपर
इजिप्टको खेल
समूह ‘ए’
जुन १५: उरुग्वेविरुद्ध
जुन १९: रुसविरुद्ध
जुन २५: साउदीविरुद्घ
इजिप्ट
विश्वकप सहभागिता: दोस्रोपटक
उपलब्धि: समूहगत चरण
फिफा वरीयता: ४६
प्रतिक्रिया दिनुहोस !
