राजविराज : बसको ठक्करले बुधबार मोटरसाइकलमा सवार दुई युवकको मृत्यु भएको छ। खडक नगरपालिका ६ स्थित पूर्व-पश्चिम राजमार्गमा काँकडभिट्टाबाट वीरगञ्ज गइरहेको मे १ ख २२८२ नम्बरको बसको ठक्करले विपरित दिशातर्फ गइरहेको स ६ प ७५५० नम्बरको मोटरसाइकलमा सवार दुई युवकको मृत्यु भएको जिल्ला प्रहरी कार्यालयले जनाएको छ।
बसको ठक्करले मोटरसाइकलमा सवार रुपनी गाउँपालिका ३ का २१ वर्षीय धर्मेन्द्र साह र शम्भुनाथ नगरपालिका ३ का २१ वर्षीय बैजनाथ साहको मृत्यु भएको हो।
बसका चालकलाई प्रहरीले नियन्त्रणमा लिएको छ।
प्रतिक्रिया दिनुहोस !
