ताप्लेजुङ : जिल्लाको फक्ताङलुङ गाउँपालिका ६ लेलेपमा श्रीमतीले श्रीमानको हत्या गरेकी छन्। जिल्ला प्रहरी कार्यालय ताप्लेजुङका असई पिताम्बर अधिकारीका अनुसार अन्दाजी २४/२५ वर्षकी शर्मिला लिम्बूले आफ्नै श्रीमान २४ वर्षका दुर्गा लिम्बूको हत्या गरेकी हुन्।
प्रहरीका अनुसार शर्मिला फरार छन्। धारिलो हतियार प्रहार गरेर हत्या गरेको असई अधिकारीले बताए।
घटनाको जानकारी पाउनासाथ बिहान ५ बजे प्रहरी टोली घटनास्थल पुगेको कार्यालयले जनाएको छ। हत्या आरोपी शर्मिलाको खोजी भइरहेको प्रहरीले जनाएको छ।
प्रतिक्रिया दिनुहोस !
