गुुलरिया : धानको ब्याड राखेपछि पानी नपर्दा बर्दियामा बीउ सुुक्न थालेको छ । केही दिनयता खडेरीले धानको ब्याड सुुकेपछि किसान चिन्तित छन् । बर्दियाका सिँचाई सुुविधा भएका क्षेत्रमा धानको विउ हराभरा भए पनि आकासे पानीको भर पर्ने क्षेत्रका किसानका ब्याड सुुक्न थालेका छन् । केही दिनदेखि पानी नपरेपछि धानको विउ सुुकेको गुुलरियास्थित कोठियाका कृषक हरिराम थारुले बताए । ‘एक दुुई दिन पानी परेकाले धानको ब्याड राख्यौं । तर पाउन पर्न छाडेपछि उम्रिएको बीउ सुुक्न थालेको छ’, उनले भने, ‘यस पाली रोपाई गर्न समस्या होला जस्तो छ ? ’
बीउमा पानी लगाउन पम्पसेट खरिद गर्न नसक्नेहरु मारमा परेको थारुको भनाइ छ । विपन्न वर्गका किसानलाई सरकारले सहयोग र अनुुदान दिनुुपर्ने किसान भोमे थारु वताउँछन् । ‘धानको ब्याड छर्दा भाडामा वोरिङ्गबाट पानीको ब्यवस्था गरेका थियौं । एकातिर पानीको समस्या छ, अर्कोतिर लोडसेडिङ्ग भैरहदा पम्प चलाउन पनि सकिएको छैन’, उनले भने, ‘धान रोप्ने बेला किसान मारमा छन् ।’
बर्दियामा सिचाई सुुबिधा छैन । आकासे पानीको भरमा ब्याड राखेर धान रोप्ने किसान खडेरीले मारमा परेका हुुन् । समयमै पानी नपाउँदा उत्पादन घट्ने चिन्ता किसानको छ । बर्दिया जिल्ला धान उत्पादनको पकेट क्षेत्र मानिन्छ । जिल्ला कृषि विकास कार्यालयको तथ्यांकअनुुसार बर्दियामा करिव ५२ हजार हेक्टर क्षेत्रफलमा धानखेती गरिन्छ । कहिले सिचाई, कहिले मलखाद अभावले उत्पादन अपेक्षाकृत हुुन सकेको छैन ।
सरकारले कृषि कार्यालयमार्फत किसानलाई उपलब्ध गराउने अनुुदान लक्षित वर्ग पहिचान गरी वितरण नगरेको राधेलाल लोधले वताए । ‘सम्पन्न किसानले किनेर पनि खेतीमा लगानी गर्छ तर गरीवले खेती गर्न पनि समस्या छ ? ’, उनले भने । आकासे खेती हुुने क्षेत्रमा भुुमीगत सिँचाईको राम्रो प्रवन्ध गर्नुुपर्ने उनको भनाइ छ ।
पश्चिम तराईका अधिकांश खेतमा आकाशे पानीबाट कृषि उत्पादन हँुुदै आएको छ । किसानले सिचाई सुुबिधा नहुुँदा असारे धानबाहेक अन्य वाली लागउन सक्दैनन् । धान लगाउने समयमा पानी नपरेपछि किसानमा झन चिन्तित छन् । मौसमविद्ले विगत वर्षभन्दा दुुई दिनअघि मनसुुन शुुरु हुुने भनेपछि धेरै किसानले ब्याड राखेका थिए ।
प्रतिक्रिया दिनुहोस !
