काठमाडौं : सोलुुखुुम्बुुको तिब्बतसँग सीमा जोडिएको नाङपाला क्षेत्रको ६२ नम्बरको सीमास्तम्भ ढलेर वर्षौंदेखि अलपत्र परेको छ । ५ हजार ७ सय मिटरको हिमालको फेदीमा रहेको नाङपालामा रहेको उक्त स्तम्भ जीर्ण अवस्थामा छ ।
स्थलगत अनुुगमनका क्रममा जीर्ण भेटिएकाले तत्काल मर्मत गर्नुुपर्ने अवस्था रहेको सीमा प्रशासन कार्यालय नाम्चेका प्रमुुख पदमप्रसाद बजगाईंले बताए । सन् १९६२ मा निर्मित स्तम्भ हाल भुुइँमा लडेको अवस्थामा रहेको उनको भनाइ छ । सीमाबाट दुुई दिनयता मात्र सरकारी उपस्थितिका रूपमा थङबुुचे सीमा प्रहरी चौकी छ । दुुई दिन पैदलपछि सीमाक्षेत्र पुगिन्छ । चीन तर्फबाट नेपाली भूभागमा एकतर्फी सीसी क्यामेरा जडान गरिएको समेत प्रशासनले जानकारी दिएको छ ।
सीमास्तम्भ सुुरक्षित नभए नेपालतर्फका च्छो यूलगायत आधा दर्जन हिमाल चीनतर्फ मोडिने खतरा छ ।
चीनले सेना राखेर एकतर्फी रूपमा सीमाक्षेत्रको सुुरक्षा गरेको छ भने नेपालतर्फ सीमा क्षेत्रमा कुुनै पनि सुुरक्षा निकाय छैन । यो सीमास्तम्भ सुुरक्षित नभए नेपालतर्फका च्छो यूलगायत आधा दर्जन हिमाल चीनतर्फ मोडिने खतरा छ । सीमाक्षेत्रमै उक्त हिमाल पर्ने र सीमास्तम्भ केही दायाँबायाँ हुँदाबित्तिकै उक्त खतराको सम्भावना बढेको हो । यसबारे दुुई सात अघि प्रदेश १ का मुुख्यमन्त्री शेरधन राई नाम्चे आउँदा प्रशासनले जानकारी गराएका छन् ।
नेपालतर्फका बजार टाढा रहेको भन्दै सोलुुखुुम्बुुका स्थानीयले एकीकृत जाँच चौकी, भन्सार राखेर सीमाक्षेत्रलाई खुला गर्न मन्त्रीसँग माग गरेका थिए । नाकाबाट चीनतर्फ ४ किलोमिटरमा ठिंग्री बजार छ भने नेपालतर्फबाट एक दिनको पैदलपछि मात्र मानव बस्ती छन् ।
उत्तरीतर्फका सीमाक्षेत्रमा रहेका स्तम्भको अनुुगमन कम हुुने गरेको छ । केही क्षेत्रमा हिमाललाई आधार मान्ने गरेको र राखिएका स्तम्भ पनि भौगोलिक विकटताले गर्दा दुुरुस्त बनाउन सकिएको छैन ।
प्रतिक्रिया दिनुहोस !
