धनकुटा : कोशी राजमार्गअन्तर्गत धनकुटाको भेडेटारस्थित भोजपुरे खोलामा यात्रुबाहक बस दुर्घटना हुँदा ३७ जना घाइते भएका छन्। रौतहटबाट धनकुटाको पाख्रिवास कृषि अनुसन्धान केन्द्रतर्फ कृषि भ्रमणको टोली लिएर आउँदै गरेको ना ५ ख ३३२८ नम्बरको बस मंगलबार दिउँसो करिब ३ बजेतिर ब्रेक भई दुर्घटना भएको हो।
बस सडकदेखि करिब १ सय मिटर तल भोजपुरे खोलामा खसेको ट्राफिक प्रहरी कार्यालय धनकुटाका प्रहरी जवान सूर्य शिवाकोटीले जानकारी दिए। बसमा सवार सबैजना घाइते भएको प्रहरी जवान शिवाकोटीले बताए।
सबै घाइते यात्रुलाई उपचारका लागि धरान स्थित बीपी कोइराला स्वास्थ्य विज्ञान प्रतिष्ठानमा पठाइएको छ।केही यात्रु बाहेक सबैजना गम्भीर घाइते रहेको प्रहरी जवान शिवाकोटीले फोनमार्फत जानकारी गराए।
प्रतिक्रिया दिनुहोस !
