दुनै : डोल्पाको सदरमुकाम दुनैमा लागुऔष तथा मदिरा नियन्त्रणका लागि विद्यार्थी र प्रहरी सक्रिय भएका छन । जिल्ला सदरमुकाममा भइरहेका अवैध मदिरा बिक्री बितरण तथा दुव्र्यसनी रोक्न विद्यार्थी र प्रहरी सक्रिय भएका हुन् ।
लागुऔषध तथा मदिरा दुव्र्यसनीसम्बन्धी सप्ताहव्यापी कार्यक्रममा लागुऔषध निषेध र मदिरा नियन्त्रण विरोधको ¥याली प्रर्दशन गरिएको छ । विद्यार्थी र प्रहरी तथा कर्मचारीहरूको उपस्थितिमा मदिरा बिक्री वितरणको चर्को विरोध गरिएको प्रमुख जिल्ला अधिकारी भूपेन्द्र थापाले जानकारी दिए । उनका अनुसार बालबालिकाले नै विरोध गरेपछि आभिभावकले बालबालिकाको कुरा मान्ने भएकै कारण पनि यो अभियानमा बिशेष भूमिका खेलेको बताए ।
डोल्पामा लागुऔषध कारोबारले भोलिका दिनमा घटनाहरू नघट्ने भन्ने कुनै आधार नभएको अवस्थामा अहिलेबाटै सचेतनासम्बन्धी कार्यक्रम गर्नु राम्रो भएकाले युवाहरूलाई सचेत गराउन विभिन्नखाले ¥याली नाटक तथा सचेतनाका कार्यक्रम गर्न थालिएको प्रहरी नायब उपरीक्षक हरिप्रसाद शर्माले जानकारी दिए । उनले भने, ‘प्रहरी र विद्यार्थीको भूमिका सबैभन्दा महŒवपूर्ण छ, यसलाई सकारात्मक सन्देशका रूपमा लिन जरुरी छ ।
विभिन्न सचेतनामूलक सन्देश लेखिएका प्लेकार्ड बोकेर विद्यार्थी र प्रहरीका साथै अन्य कर्मचारी निस्केपछि स्थानीयहरू चकित भएका थिए । राम्रो कामका लागि स्थानीय सरकारका प्रतिनिधि र स्थानीय सहभागी नभएको भन्दै जिल्ला समन्वय समितिका प्रमुख शेरबहादुर बुढाले स्थानीय सरकारप्रति आक्रोससमेत पोखेका थिए ।
लागुऔषधका घटनाहरू नभए पनि घरेलु मदिरा बिक्री वितरण भने बढ्दो क्रममा छ । घरेलु मदिराकै कारण घरेलु हिंसा हुने बालबालिकाको भविष्यसमेत बर्बाद हुने भएकोले अभिभावकलाई सचेत गराउन विद्यार्थीले भूमिका खेल्ने प्रजिअको दाबी छ । उनका अनुसार अब बजारका सबै घरमा अनुगमन हुने र घरेलु मात्र नभई सबैखाले अवैध रूपमा बिक्री हुँदै आएका मदिरा तथा लागुऔषधका कार्य बन्द गरिनेछन् ।
मदिराकै कारण समाजका ठुल्ठूला घटना घट्ने गरेकोले महिला सञ्जाल तथा सरोकारवालाको सहयोगमा सबै क्षेत्रमा नियमन गर्ने प्रजिअ थापाको भनाइ छ ।
प्रतिक्रिया दिनुहोस !
