संखुवासभा : संखुवासभाको चैनपुर नगरपालिका-६ आइतबारे भीरमा दुम्सी खेद्ने क्रममा बिहीबार बिहान भीरको दुलामा छिरेका चारजना बेहोस अवस्थामा भेटिएका छन् भने एकजनाको अवस्था अज्ञात रहेको छ।साथीसँगै दुम्सी पक्रान गएका स्थानीय १९ वर्षीय रामबहादुर तामाङको अवस्था अज्ञात रहेको प्रहरीले जनाएको छ।
बेहोस अवस्थामा भेटिएका बुद्धिमाया तामाङ, अमृत तामाङ, सुरेश तामाङ, दिलकुमार तामाङलाई उद्धार गरी तुम्लिङटारस्थित मनकामना पोलिक्लिनिकमा उपचार भइरहेको छ।
हराएका एकजनाको खोजीकार्य भइरहेको इलाका प्रहरी कार्यालय चैनपुरका प्रहरी निरीक्षक हेमन्तविक्रम राणाले जानकारी दिएका छन्। रासस
प्रतिक्रिया दिनुहोस !
