सन्धिखर्क : अर्घाखाँचीको शितगंगा नगरपालिका वाड नम्वर ६ मा रहेको शिबादह माध्यमिक विद्यालयका शिक्षकहरुले तालिममा जान भन्दै विद्यालयनै बन्द गरेका छन । शितगंगा नगरपालिका वाड नम्वर ६ मा रहेको शिबादह माविको १ देखि ५ सम्मका सबै कक्षा बन्द गरेर शिक्षकहरु नगरपालिकाको तालिममा ठाडा गएका हुन । विद्यार्थी पढाउन भन्दै जागिर खाएका शिक्षकहरु विद्यार्थीको पढाइनै बन्द गरेर तालिममा जानुले सरकारी विद्यालयका शिक्षकहरुको लार्पबाही प्रस्ट भएको छ ।
नगरपालिकाको शिक्षा शाखाले अंग्रेजी माध्यममा पढाउने नमुना विद्यालयका अंग्रेजी, गणित र विज्ञान विषयका प्राथमिक तहका शिक्षकको लागि आयोजना गरेको तालिममा सहभागी हुनकालागि भन्दै तीन जना शिक्षक गएपछि कक्षा १ देखि ५ सम्मको पढाइ बन्द गरिएको हो । विद्यालयमा पढ्न भन्दै घण्टौ पैदल हिडेर आएका विद्यार्थीहरु साढे १० बजे नै विद्यालबाट घर फर्किएको देखेपछि विद्यालय बन्द रहेको खुलेको हो । शिक्षकहरु तालिममा जान परेकोले १ देखि ५ सम्मका विद्यार्थीलाइ छुट्टि दिइएको थियो ।
विद्यालयमा ६ देखि १० सम्मका कक्षामा भने पढाइ भएको छ । विद्यालयका निमित्त प्रधानाध्यापक नारायण आचार्यले नगरपालिकाको शिक्षा शाखाले आयोजना गरेको तालिलमा तीन जना शिक्षकलाइ पठाउन परेपछि विद्यार्थीलाइ घरमा पठाएको बताए । विदाका लागि ब्यबस्थापन समितिले निर्णय नगरेको विद्यालय ब्यबस्थापन समितका अध्यक्ष सागर परियाले बताए । १२ जना शिक्षकहरु रहेको विद्यालयमा ३ जना शिक्षक विदामा बसेका छन । ३ जना शिक्षक तालिममा गएका छन ।
शिक्षहरुलाई तालिलममा बोलाउन विद्यालय बन्द गर्ने निर्देशन नदिएको शितगंगा नगरपालिकाका शिक्षा प्रमुख माधव प्रसाद बन्जाडेले बताए । उनले भने –‘तालिममा शिक्षकहरु आएपनि अन्य शिक्षकले विद्यालय सञ्चालन गर्नुपर्छ । विद्यालय बन्द भन्दै विद्यार्थी फर्काउनेलाई ििनयमानुसार कारबाही हुन्छ ।’
एउटै कोठामा तीन वटा कक्षा
शितगंगा नगरपालिका वाड नम्वर ७ मा रहेको वालकल्याण आधारभुत विद्यालयमा कक्षा १ देखि ३ र ६ तथा ८ कक्षा एउटै कोठामा चल्ने गरेको छ । शिक्षक अभाव भएपछि एउटै कक्षामा पढाउने गरिएको हो । ६ जना शिक्षकको दरबन्दी रहेको यस विद्यालयमा बुधबार २ जना शिक्षक मात्र रहेका थिए । अन्य चार शिक्षक विदामा रहेको प्रधनाध्यापक जीवन आलोक सारुले बताए । शिक्षकहरु नभएपछि २ जनाले पालैपाोे गरि एउटै कक्षामा राखेर पढाउन परेको उनले बताए ।
अर्घाखाचीका धेरै विद्यालयमा शिक्षकहरु विदामा बसेर एकाध शिक्षकले कक्षा चलाउने गरिएको छ । अभिभावकले चासो नदिनृे तथा अनुगमन प्रभावकारी नहुदा पठनपाठनमा लार्पबाही हुने गरेको हो ।
प्रतिक्रिया दिनुहोस !
