ओखलढुंगाः सोलुखुम्बुको दुधकुण्ड नगरपालिका-११ तिङलामा शुक्रबार बिहान जीप दुर्घटना हुँदा ६ जनाको मृत्यु भएको छ।नेचा सल्यानबाट पत्ताले हाटबजार तर्फ आउँदै गरेको को १ ज १८६० नम्बरको बोलेरो जीप बिहान साँढे सातबजेतिर तिङलाको महादेव भीरमा खसेको थियो।
दुर्घटनामा मृत्यु हुने सबैको सनाखत भइसकेको छ।प्रहरीका अनुसार सनाखत हुनेमा उदयपुर सिरिसेका जीप चालक २१ वर्षीय कुशाङ तामाङ, सिरहा संहिठाका ३६ वर्षीय शिवकुमार यादव, खोटाङ खाल्टेका २४ वर्षीया कोपिला बस्नेत कार्की, नेचासल्यान-२ सोलुखुम्बुका ३५ वर्षीया उर्मिला कट्टेल बास्तोला र नेचासल्यान २ कै २५ वर्षीया शुसिला खड्का, ओखलढुंगा माम्खाका ४२ वर्षीय गाडी साहु श्यामकुमार राई छन्।
घाइते हुनेमा अन्दाजी आठ वर्षीया सुस्मा खड्का रहेकी छन्।उनको अवस्था गम्भीर छ। उनलाई उपचारका लागि फाप्लु अस्पताल पुर्याइएको पत्ताले ट्राफिक प्रहरी बिटका हवल्दार सन्दीप चौधरीले बताए। सडकदेखि जीप करिब ५ सय मिटर तल खसेको थियो।दुर्घटनाको कारण खुलेको छैन।
प्रतिक्रिया दिनुहोस !
