बेंसीसहर : जिल्ला अदालत लमजुङले अदालतका कर्मचारीलाई भदौ १ बाट जारी हुने कानुनका नया“ संहिता ऐनबारे जानकारी गराउन थालेको छ ।
भदौ १ बाट मुलुकी देवानी (संहिता) ऐन २०७४, मुलुकी देवानी कार्यविधि (संहिता) ऐन २०७४, मुलुकी अपराध (संहिता) ऐन २०७४, मुलुकी फौजदारी कार्यविधि (संहिता) ऐन २०७४ र फौजदारी कसुर (सजाय निर्धाारण तथा कार्यान्वयन) ऐन २०७४ लागू हु“दै छ ।
१९२० सालको मुलुकी ऐनलाई विभिन्न कालखण्डमा संशोधन गरी कानुन कार्यान्वयन गरि“दै आएकोमा मुलुक संघीय संरचनामा प्रवेशसँगै सरकारले नया“ ऐन बनाएर कार्यान्वयन गर्न लागेको हो । आधारभूत कानुनका रूपमा प्रचलनमा रहेको मुलुकी ऐनलाई प्रतिस्थापन गरी नया“ संहिता ऐन ल्याउन लागेको हो । अदालतका कर्मचारीलाई शुक्रबारदेखि अपराध संहिता र फौजदारी कार्यविधि संहिता तथा देवानी संहिता र देवानी कार्याविधिसम्बन्धी प्रशिक्षण दिन सुरु गरेको छ । प्रशिक्षण कार्यक्रम सोमबारसम्म सञ्चालन हुनेछ ।
जिल्ला न्यायधीश कोमलप्रसाद आचार्यले अपराधका नया“ तौरतरिकासँगै यसलाई सम्बोधन गर्न नया“ कानुनको आवश्यक परेको बताए । अपराधीले गर्ने नया“ अपराधमा पुरानो मुलुकी ऐन र संशोधित ऐनले नभेट्ने भएकाले कहिलेकाहीँ न्यायिक निकाय अन्योल पर्ने भएकाले नया“ ऐनबाट न्याय सम्पादनमा सहजता थपिने उनले विश्वास व्यक्त गरे । नया“ कानुन र यसले निर्दिष्ट गरेको व्यवस्थासम्बन्धी सबैभन्दा बढी र पहिलो जानकार कर्मचारी हुनुपर्ने भएकाले कर्मचारीलाई प्रशिक्षण दिन थालिएको उनले बताए ।
अदालतले प्रशिक्षण कार्यक्रमलाई बिदाको समयबाहेक बिहानको समय मिलाएको छ । प्रशिक्षण कार्यक्रममा जिल्ला न्यायधीश कोमलप्रसाद आचार्य, जिल्ला न्यायाधिवक्ता यादवप्रसाद पौडेल, बार एसोसिएसनका जिल्ला अध्यक्ष कृष्णप्रसाद अधिकारी, जिल्ला अदालतका स्रेस्तेदार भूमिप्रसाद शर्माले सहजीकरण गरेका छन् । उनीहरूले भदौ १ बाट कार्यान्वयनमा आउने नया“ कानुनबारे जानकारी गराउँनेछन् ।
प्रतिक्रिया दिनुहोस !
