मलेखु (धादिङ) ः धादिङको बेनीघाट रोराङ्ग गाँउपालिका -३ मलेखु रिचोकटार नजिकै कुल्डुम भन्ने ठाउँमा धारिलो हतियार प्रयोग गरि एक बालकको हत्या भएको छ। बासु बयकोटीको पाँच वर्षीय छोरा आयुसमान बयलकोटीलाई उनकै ठुलोबुवा सीताराम बयलकोटीले गएराति ८ बजेतिर धारिलो हतियार प्रहार गर्दा बालकको घटनास्थलमै मृत्यु भएको हो । ५ वटा छोरी पाएपछि जन्मिएको छोराको पनि हत्या भएपछि बासु बयलकोटीको परिवार विक्षिप्त बनेको छ ।
फरार सीतारामको खोजी कार्यको लागि गजुरी प्रहरी खटिएको छ । फरारको हुलिया सबै प्रहरी युनिटहरुलाई पठाइसकिएको र जंगलमा लुकेर बसेको हुनसक्ने आशंकमा प्रहरीले घटनास्थल नजिकैको जंगलमा सर्च गरेको इलाका प्रहरी कार्यलय गजुरीले जनाएको छ । विगतमा पनि उनी जंगलमा लुकेर बस्ने गरेकाले त्यहीँ हुनसक्ने प्रहरीले बताएको छ । घटनास्थल पृथ्वीराजमार्गको मलेखु बजारबाट ६ किलोमिटर दुरीमा पर्छ ।
प्रतिक्रिया दिनुहोस !
