काठमाडौँः आफ्नो समयमा नेपाली चलचित्रको संगीतमा ख्याति कमाएका लोकप्रिय संगीतकार रञ्जीत गजमेर अझै क्रियाशिल छन् । भारतको मुम्बईमा रहेर संगीत कर्मलाई निरन्तरता दिइरहेका गमजेर पछिल्लो समय एउटा सुगम संगीतका साथ श्रोता दर्शकमाझ आएका छन् ।
गजमेरको संगीतमा गायिका स्वरुपा आशाले स्वर दिएकी छन् । ‘नहुने केही छैन’ बोलको यस गीतको भिडियोसमेत सार्वजनिक भएको छ । रञ्जीत पत्नी कुशुम गजमेरको शब्द रहेको यस गीतको भिडियो निर्देशन प्रशन्न पौडेलले गरेका छन् । म्युजिक भिडियोमा गायिका स्वरुपा आफैं प्रस्तुत भएकी छन् ।
उनलाई बनेपा डान्स क्रिउले नृत्यमा साथ दिएका छन् । संगीतकार गजमेर खासगरी नेपाली चलचित्रको संगीतमा सिद्धहस्त मानिन्छन् । सम्झना, कुशुमे रुमाल, लाहुरे, साइनोलगायत दर्जनौं चलचित्रमा संगीत भरेका छन्
प्रतिक्रिया दिनुहोस !
