एजेन्सी: केही दिनयता सामाजिक सञ्जालमा एउटा तस्बिर भाइरल भइरहेको छ । एक बुवाले छोरीलाई स्तनपान गराइरहेको तस्बिरलाई लिएर धेरैले प्रशंसा गरेका छन् भने केहीले कडा आलोचना पनि ।
आलोचना र प्रशंसालाई पर्वाह नगरी अमेरिकाको एक राज्य विस्कोन्सिन निवासी एक युवा म्याक्समिलन आफ्नी छोरीको स्याहार गरिरहेका छन् । प्रसुतिका क्रममा उनकी पत्नी अप्रिलको स्वास्थ्यमा समस्या भएर नवजात छोरीलाई स्तनपान गराउन सकेकी थिइनन् । त्यही कारण यी युवाले आफ्नी छोरीलाई दूध खुवाउने जिम्मेवारी लिए ।
पहिलो पटक आमा बनेकी अप्रिलका अनुसार उनलाई पोलिसिस्टिक सिन्ड्रो भएको थियो । जसका कारण आफूलाई सन्तान हुने कुरा पनि विश्वास नभएको अप्रिलले बताएकी छन् । यस रोगले बिरामीमा हार्मोनको असन्तुलनबाट पिरियडमा धेरै अनियमितता आउँछ ।
जब उनी गर्भवती भएको थाहा भयो तब उने तुरुन्त बच्चा जन्माएपछि स्तनपान गराउने योजना पनि बनाइन् । तर स्वास्थ्यमा समस्या आएका कारण उनले यसो गर्न सकिनन् । उनलाई प्रसुतिपछि सीधै आईसीयूमा पठाइयो ।
त्यसपछिय अस्पतालकी नर्स साइबिल मार्टिन डेनहेले पितालाई नवजात शिशुसँग 'स्किन टु स्किन' कन्ट्याक्टका लागि सोधिन् ।
म्याक्समिलनले फेसबुक पोस्टमा लेखेका छन्, 'मेरी पत्नीलाई केही समस्या भएको थियो । त्यहीकारण उनी आईसीयूमा गइन् । तर सुपर नर्सले मलाई खतरनाक अफर दिइन् र म भाग्यशाली सावित भएँ । मैले नक्कली निपलबाट आफ्नो नवजात शिशुलाई स्तनपान गराएँ ।'
नर्सका अनुसार जब उनले पिताहरुलाई स्तनपानका लागि आग्रह गर्छिन् तब अधिकांश पुरुषहरु संशय र हैरानी भएको भाव देखाउँछन् । तर म्याक्समिलनको प्रतिक्रिया उत्सुकता र सकारात्मकताले भरिएको थियो ।
भिडियो
प्रतिक्रिया दिनुहोस !
