बिर्तामोड : झापाको दमकमा कारको ठक्करबाट मोटरसाइकलमा सवार तीनजना घाइते भएका छन्। आइतबार साँझ दमक नगरपालिका ४ मा को १ च ८४८१ नम्बरको कारले ना ३२ प ६४७९ नम्बरको मोटरसाइकललाई ठक्कर दिंदा मोटरसाइकलमा सवार मोरङ उर्लावारी- ८ का २२ वर्षीय दिपक चौधरी, सोही ठाउँका २१ वर्षीय मनिष श्रेष्ठ र १४ वर्षीय मनोज श्रेष्ठ घाइते भएका हुन्।
घाइते तीनैजनालाई उपचारका लागि दमक र विराटनगर पठाइएको प्रहरीले जनाएको छ।ठक्कर दिने कारका चालक झापा दमक नगरपालिका- ४ का केदार ओझालाई इलाका प्रहरी कार्यालय दमकले नियन्त्रणमा लिएको छ।
प्रतिक्रिया दिनुहोस !
