काठमाडौं : राष्ट्रियसभाको सोमबार बसेको बैठकले विनियोजन विधेयक, २०७५ लाई बहुमतले पारित गरेको छ ।
अर्थमन्त्री डा. युवराज खतिवडाले प्रस्तुत गरेको विनियोजन विधेयक, २०७५ लाई बहुमतले पारित गरेको हो । उनले प्रस्तुत आर्थिक विधेयक, २०७५ र राष्ट्र ऋण उठाउने विधेयक, २०७५ को प्रस्तावलाई बहुमतले स्वीकृत गरेको हो ।
ऋण तथा जमानत ९२२औं संशोधन विधेयक, २०७५ पनि राष्ट्रियसभाको बैठकको बहुमतले स्वीकृत गरेको छ ।
बैठकमा सांसदहरु अनिता देवकोटा, धनकुमारी खतिवडा, विन्दादेवी आले, प्रकाश पन्थ, जीतेन्द्रनारायण देव, बद्रीप्रसाद पाण्डे, तारादेवी भट्ट र रमेशजंग रायमाझीले प्रस्ताव गर्नुभएको भएको खर्च कटौतीको प्रस्तावलाई बैठकको बहुमतले अस्वीकृत गरेको थियो ।
राष्ट्रियसभाको अर्को बैठक मंगलबार अपराह्न ३ बजे बस्नेछ।
प्रतिक्रिया दिनुहोस !
