बिर्तामोड : झापाको मेचीनगर नगरपालिका–६ स्थित मेची पुलबाट सोमबार लागुऔषध ब्राउनसुगर सहित प्रहरीले चार जनालाई पक्राउ गरेको छ ।
पक्राउ पर्नेहरुमा मेचीनगर नगरपालिका ९ का रोशन डांगी, मनिष आचार्य, फुर्बा शेर्पा र बारा निजगढ बस्ने बिष्णु थापा रहेका छन् । पक्राउ परेका रोशन डांगीको बयानका आधारमा अन्य तीन जनालाई प्रहरीले सोमबारनै पक्राउ गरेको हो ।
डाँगीको साथबाट प्रहरीले साढे चार ग्राम ब्राउनसुगर बरामद गरेको छ । लागुऔषध नियन्त्रण ब्युरो काँकडभिट्टाको टोलीले डाँगीको सर्टको बाहुलाभित्र लागुऔषध लुकाएर ल्याउँदै गरेको फेला पारेका थिए ।
पक्राउ परेका सबैलाई इलाका प्रहरी कार्यालय काँकडभिट्टामा राखी थप अनुसन्धान भइरहेको इलाका प्रहरी कार्यालय काँकडभिट्टाले जनाएको छ ।
प्रतिक्रिया दिनुहोस !
