राजविराज : पूर्व–पश्चिम राजमार्गअन्तर्गत सप्तरीको खडक नगरपालिका ८ स्थित विसनपुर चोकमा भएको दुर्घटनाका घाइते दुई युवाको मृत्यु भएको छ ।
दुर्घटनामा परी गम्भीर घाइते सप्तरीको शम्भुनाथ नगरपालिका–२ का २० वर्षीय रोशन चौधरीको उपचारका क्रममा नोबेल अस्पताल बिराटनगरमा मृत्यु भएको सप्तरी प्रहरीले जनाएको छ । उनको लहानस्थित सप्तऋषि अस्पतालमा उपचार हुन नसकेपछि बिराटनगर लगिएको थियो ।
ना.५ख ४८१७ नम्बरको बसले बा.७०प ८०९२ नम्बरको मोटरसाइकललाई ठक्कर दिदा मोटरसाइकल पछाडि सवार चौधरी र मोटरसाइकल चालक शम्भुनाथ नगरपालिका २ का २५ वर्षीय रुपेश चौधरी गम्भीर घाइते भएका थिए ।
मोटरसाइकल चालक रुपेशको बिहीबार नै सप्तऋषि अस्पताल लहानमा उपचारका क्रममा मृत्यु भएको थियो । ठक्कर दिने बस र बस चालक झापा बुधबारे ८ का ३४ वर्षीय टिकाप्रसाद धिमाललाई इलाका प्रहरी कार्यालय कडरबोनाले नियन्त्रणमा लिएको एसपी मुकेशकुमार सिंहले बताए ।
प्रतिक्रिया दिनुहोस !
