काठमाडौँः रसियामा जारी विश्वकप फुटबल प्रतियोगिता अन्तरगत तेस्रो स्थानका लागि भएको खेलमा बेल्जियमले २–० को अग्रता बनाएको छ । खेलको सुरुमै इङ्ल्यान्डविरुद्ध अग्रता बनाएको बेल्जियमले दोस्रो हाफमा पनि गोल थपेको हो ।
सेन्ट पिटस्वर्ग स्टेडियममा भइरहेको खेलमभा बेल्जियमका लागि खेलको ८२ औँ मिनेटमा केभिन डे ब्रुनको पासमा एडिन हाजार्डले गोल गरेका हुन् ।
ब्रुन र हाजार्डको उत्कृष्ट तालमेलमा बेल्जिमयले जारी विश्वकपमा तेस्रो स्थान करिब पक्का गरेको छ । यसअघि खेलको चौथो मिनेटमा नाकेर चाड्लीको पासमा थोमस मुनिएरले गोल गर्दै अग्रता दिलाएका थिए ।
विश्वकपको सेमिफाइलनबाट बाहिरिएका यी दुई टोलीबीचको आजको खेललाई प्रतिष्ठाको लडाइँका रुपमा पनि हेरिएको छ । यसअघि विश्वकपको समूह चरणको खेलमा बेल्जियमले इङ्ल्यान्डलाई १–० ले हराएको थियो ।
प्रतिक्रिया दिनुहोस !
४
