चन्द्रपुर : प्रदेश-२ को विभिन्न जिल्लामा मोबाइल चोरी गरी बिक्री गर्दै आएको गिरोह मध्येका दुईजनालाई प्रहरीले पक्राउ गरेको छ।रौतहटको चन्द्रपुर नपा-४ स्थित एक होटलमा बसिरहेको अवस्थामा बारा जिल्ला बारागढी गाउँपालिका-३ का २८ वर्षीय सुरेश राय र पर्सा जिल्ला विरगंज महानगरपालिका-2० का २० वर्षीय ममलेश राय पक्राउ परेको प्रहरी जनाएको छ।
शनिबार साँझ उनीहरुलाई पक्राउ गरी प्रहरीले आइतबार सार्वजनिक गरेको हो। पक्राउ परेकाको साथबाट महंगो मूल्य पर्ने मोबाइल सेट बरामद गरिएको प्रहरीले बताएको छ।उनीहरुको साथबाट विभिन्न कम्पनीका १३ थान मोबाइल सेट र ३४ हजार नगद तथ एकथान मोटरसाइकल समेत बरामद गरेको इलाका प्रहरी कार्यालय चन्द्रनिगाहपुरका डीएसपी शान्तिराज कोइरालाले जानकारी दिए।
पक्राउ परेकाहरुले धनुषा, महोतरी,रौतहट, पर्सालगायतका जिल्लाबाट मोबाइल चोरी गर्ने र अन्य जिल्लामा लगेर बिक्री गर्ने गरेको प्रहरीलाई बताएका छन्।उनीहरुले मोबाइल चोरीमा बालबालिकाको समेत प्रयोग गर्ने गरेको पाइएको छ। उनीहरुसँगै रहेका एक ८ वर्षीय बालकलाई चोरीको मोबाइल सेटसहित चन्द्रनिगाहपुरबाट प्रहरीले नियन्त्रणमा लिएको छ।
कतिपय अवस्थामा उनीहरुले मोबाइल चोरीगर्न बालक प्रयोग गरेको खुल्न आएको डीएसपी कोइरालाले जानकारी दिए।घटनाबारे थप अनुसन्धान भइरहेको इलाका प्रहरी कार्यालय चन्द्रनिगाहपरले जनाएको छ।
प्रतिक्रिया दिनुहोस !
