काठमाडौं : बौद्धधर्मका बरिष्ठ गुरु मानिने क्याब्जे ठुल्श्यिक रिम्पोछेको ३२औं अवतार भेटिएको धर्मगुरुरूले पुष्टी गरेका छन् । एक महिनाअघि ४ वर्षीय बालकमा रिम्पोछेको ३२ औं अवतार भेटिएको बौद्धधर्मगुरुले दाबी गरे । अवतार प्रमाणितसँगै मुख्य धर्मगुरु क्याव्जे दो ठुक्चेन रिम्पोछेले अवतारी रिम्पोछेको नाम ठुल्सिक ङवाङ जिग्मी ठिन्लेन कुन्ख्याप रिम्पोछे राखेका छन् । सोलुको दुधकुण्ड नगरपालिका-१ स्थित थुप्तेन दोङाक क्षोलिङ गुम्बाका धर्मगुरुसमेत रहेका रिम्पोछेको ८८ वर्षको उमेरमा २०६७ मा मृत्यु भएको थियो ।
महाकुलुङ गाउँपालिका-१ चेरेममा जन्मेर हलेसी तुवाचुङ नगरपालिका-७ मा बस्दै आएका मारातिका दुङजिन ङवाङ जिग्टल छोकी वाङछुक र आमा उर्गेन डोल्मा शेर्पाको कोखबाट तेस्रो सन्तानको रुपमा २०७१ माघ ८ गते जन्मिएका बालकमा रिम्पोछेको अवतार भेटिएको धर्मगुरुले पुष्टी गरे । अवतार पुष्टीसँगै मुख्य चेला र हजारौं दर्शनार्थीको उपस्थितिमा सोलुखुम्बुकै गुम्बामा बस्त्र चडाउने काम सम्पन्न गरिएको छ ।
अवतारीको गद्दीआरोहणमा ङिङमा सम्प्रदायका प्रमुख धर्मगुरु जटुल रिम्पोछे, शंशङ रिम्पोछे र चतुक्पा टुल्कुलगायत विभिन्न धर्मगुरुको उपस्थिति थियो ।
अवतारीसँग बुधबार ञिङ्मापा सम्प्रदायको साताै वरिष्ठ धर्मगुरु रिम्पोछे व्याब्जे काथोक गेचेले हात्तिवनको गुम्वामा भेट गरी सकेको छ । अवतारी पत्ता लगाउन र पुष्टी गर्न अमेरिका, भारत, तिब्वतसहित विश्वभरका धर्मगुरुको सिफारिसमा आठजनाको समिति गठन भएको थियो । रिम्पोछेको पहिलो अवतार पञ्च बुद्धमध्ये बुद्ध वरोचना, दोस्रो अवतार वज्रपानी हो भने ३० औं अवतार ठुल्सिक दोङा लिङपा र ३१ औं अवतार क्याव्जे ठुल्सी ङवाङ छोकी लोडो रिम्पोछे हो ।
३१ र्आैं अवतार दलाइ लामाका गुरु समेत हुन् । बुद्धधर्ममा हालसम्म दलाई लामाको १४ औं र कर्मपाको १७ औ अवतार प्राप्त भएको बुद्धधर्मका गुरुहरू बताउँछन् । बुद्धधर्म महायनअन्र्तगत हाल ञिङ्मापा, गेलुक, शाक्य र कग्यू सम्प्रदाय छन् भने हिनयान अन्र्तगत थेरावत, बज्रयान छन् । यीमध्ये ञिङ्मापा अध्यात्म र गेलुक तर्कशास्त्रमा बढी विश्वास गर्ने गर्छन । यिमध्ये भारत, तिब्वत र लुम्बिनी विश्वविद्यालयले औपचारिक विद्यालय सञ्चालन गर्दै आएको छ । उर्गेन दोर्जे छ्योलिङ इस्न्टिच्यूटले पनि पाठ्यक्रम निर्माण गरी अध्यापन सुरु गरेको छ । अध्यनपछि बरिष्ठ धर्मगुरुको रुपमा रिम्पोछे, त्यसपछि खेन्पो, गेसे, आचार्य, दोर्जे लोपेन जस्ता पदहरू हुन्छन् ।
प्रतिक्रिया दिनुहोस !
