काठमाडौँ: सिन्धुलीको रानीवास क्षेत्रमा आइतवार अपरान्ह एक्सासी भीषण पानी परेको छ । आइतवार अपरान्ह ३ घण्टामा ८३ मिलिमिटर पानी परेपछि जलविज्ञान तथा मौसम विज्ञान विभागले त्यस क्षेत्रका बासिन्दालाई सतर्क रहन आग्रह गरेको छ।
विभागले कमला नदीमा ठुलो बाढी आइरहेको चेतावनी जारी गर्दै कमल र तावा खोला दोभानसम्मको क्षेत्रमा रातिसम्म सतर्क रहन आग्रह गरेको हो ।
केही दिनयता भइरहेको निरन्तरको बर्षातले देशका चुरे, भित्री मधेस र पहाडी क्षेत्रका नदीमा बाढी आइरहेको छ। साना खहरेदेखि ठुला नदीमा पनि बाढी आइरहेका कारण विभागले केही दिनयता सर्तक रहन आग्रह गरिरहेको छ ।
प्रतिक्रिया दिनुहोस !
