भक्तपुर : यहाँस्थित हनुमन्ते खोलाले बगाउँदा एकजना किशोरको ज्यान गएको छ । आइतवार रातिबाट भएको भारी बर्षातका क्रममा हनुमन्तेमा आएको बाढीले बगाएर पहिचान खुल्न नसकेका १६ वर्षीय किशोरको ज्यान गएको हो ।
उनको शवलाई भक्तपुर नगरपालिका-१ सल्लाघारीस्थित डा. इवामुरा मेमोरियल अस्पताल नजिकैबाट निकालिएको महानगरीय प्रहरी परिसर भक्तपुरका डिएसपी रेवतीरमण पोखरेलले जानकारी दिए । मृत युवाको पहिचान खुलाउने प्रयास भइरहेको पोखरेलले बताए ।
प्रतिक्रिया दिनुहोस !
