तेह्रथुम : ४५ वर्षीया एक महिलालाई सार्वजनिक यातायातमा दुव्र्यवहार गरेको आरोपमा एकजनालाई प्रहरीले पक्राउ गरेको छ। इनरुवा नगरपालिका- १० बस्ने २१ वर्षीय राज अन्सारीलाई इलाका प्रहरी कार्यालय बसन्तपुरको टोलीले पक्राउ गरेको हो।
पीडित महिलाले धरानबाट संखुवासभा आएको बसमा मंगलबार राति दुर्व्यवहार गरेको प्रहरीमा उजुरी दिएपछि आरोपितलाई पक्राउ गरिएको जिल्ला प्रहरी कार्यालय तेह्रथुमका प्रहरी नायब उपरीक्षक राजन भुजेलले बताए।
अन्सारीले धरानबाट संखुवासभा आउँदै गर्दा बसमा सम्वेदनशिल अंगमा छोएको भन्दै पीडित महिलाले प्रहरीमा जाहेरी दिएकी थिइन्।पक्राउ परेका अन्सारीबारे थप अनुसन्धान भैरहेको प्रहरीले जनाएको छ।
प्रतिक्रिया दिनुहोस !
