विराटनगर : मोरङको विराटनगर महानगरपालिका ४ ढाटमा मोटरसाइकलको ठक्करबाट एक जनाको मृत्यु भएको छ।
बिहीबार मोटरसाइकलले ठक्कर दिएर घाइते भएका विराटनगर ४ का ६८ वर्षीय खगेन्द्रप्रसाद आचार्यको उपचारका क्रममा सोमबार मृत्यु भएको हो।
मोरङ प्रहरीका प्रवक्ता डीएसपी निशान थापाका अनुसार आचार्यलाई को ३२ प ६४३३ नम्बरको मोटरसाइकलले ठक्कर दिएको थियो।
गम्भीर घाइते उनको उपचारका क्रममा नोबेल मेडिकल कलेजमा मृत्यु भएको थापाले बताए। मोटरसाइकल चालक विराटनगर ७ का २० वर्षीय सन्तोश लिम्बूलाई नियन्त्रणमा लिएर घटनाको अनुसन्धान सुरु गरिएको प्रहरीले जनाएको छ।
प्रतिक्रिया दिनुहोस !
