धनकुटा : प्रहरीले ११ किलो गाँजासहित एकजना युवकलाई पक्राउ गरेको छ। सहिदभूमि गाउँपालिका-३ निवासी २३ वर्षीय अभिषेक राईलाई जेब्रा झोलामा राखेर बिक्री गर्न लैजादै गर्दा धनकुटा-४ देव्रवासबाट पक्राउ गरिएको जिल्ला प्रहरी कार्यालय धनकुटाका डिएसपी तथा सूचना अधिकारी उमेश लम्सालले बताए।
उनले शंका लागेर खानतलासी गर्दा जेब्रा झोलामा गाँजा फेला परेको बताए । गाँजासहित पक्राउ परेका राईलाई थप अनुसन्धान भइरहेको डिएसपी लम्सालले जानकारी दिए।
प्रतिक्रिया दिनुहोस !
