रामेछाप : जिल्ला समन्वय समिति रामेछापका कार्यक्रम अधिकृत नारायण सुवेदीमाथि बुधबार राति सवा नौ बजेतिर निवासमा सुतिरहेको बेलामा छुरा प्रहार भएको छ। मन्थली- १ मच्छेडाँडीमा रहेका सुवेदीको घरमा परिवारका अरू सदस्य अन्य कोठामा रहेको बेलामा घटना भएको हो। सुवेदीको पेटमा छुरा प्रहार भएको छ।
तत्कालै उद्दार गरी तामाकोशी सहकारी अस्पतालमा ल्याइएका सुवेदीलाई प्राथमिक उपचारपछि थप उपचारका लागि धुलिखेल अस्पताल पठाइएको छ। सुवेदीको रातिनै शल्यक्रिया भएको छ। अस्पतालले आन्द्रा काटिएको जनाएका छन्। उनी खतरामुक्त रहेको धुलिखेल अस्पतालले जनाएको छ ।
फेसबुक चलाएर बसिरहेको बेला मुखमा माक्स लगाएर आएको व्यक्तिले उनलाइ छुरा प्रहार गरेको थियो। सुवेदीलाई प्रहार गरेको छुरा फेला परेको परिवारजनले जनाएका छन्। माथिल्लो तलामा रहेका सुवेदीलाइ छुरा प्रहार गर्ने व्यक्ती बरन्डाबाट हामफालेर फरार भएको घाइते सुवेदीले बताएका छन्।प्रहरीले घटनाको अनुसन्धान गरिरहेको बताएको छ।
प्रतिक्रिया दिनुहोस !
