चितवन निकुञ्जमा हुर्किँदै पहिलो पुस्ताको अर्ना

चितवन : कोशीटप्पु वन्यजन्तु आरक्षबाट चितवन राष्ट्रिय निकुञ्जमा स्थानान्तरण गरिएको अर्नाले जन्माएको पाडो हुर्किँदैछ । प्रजाति संरक्षणका लागि ल्याइएको अर्नाले पहिलो पटक जन्माएको पाडो अहिले आमालाई पछ्याउँदै निकुञ्जमा डुलिरहेको छ। 

राष्ट्रिय निकुञ्जस्थित ईन्क्लोजरमा राखिएको अर्नाले गत ३१ साउनमा पाएको पाडी हुर्किँदै निकुञ्जमा डुल्न थालेको हो । संरक्षणसँगै संख्या बढाउनका ल्याइएको अर्नाले बच्चा जन्माउँदा संरक्षणकर्मी खुसी भएका थिए । 

अर्नाले बच्चा पाएपछि संरक्षणमा ठुलो उपलब्धि मानिएको छ । ‘ नयाँ बच्चा जन्मनु राम्रो संकेत हो’, चितवन राष्ट्रिय निकुञ्जका सूचना अधिकारी नुरेन्द्र अर्यालले भने, ‘बासस्थान के होला भन्ने लागेका बेला बच्चा पाएपछि हामी सफल भएका छौँ ।’ 

• चिवन निकुञ्‍जमा ११ अर्ना स्थानान्तरण, तीनवटा ल्याइँदै
• चितवनमा चर्दै कोसीटप्पुका अर्ना
• अर्ना गणना सुरु
• चितवन निकुञ्जमा जन्मियो अर्नाको पहिलो पुस्ता
• चितवन निकुञ्जमा हुर्किँदै पहिलो पुस्ताको अर्ना

पहिलो पुस्ताको यो पाडोसँगै चितवन राष्ट्रिय निकुञ्जमा अर्नाको संख्या १० पुगेको छ । यसअघि दुई भालेसहित ९ वटा अर्ना थिए । निकुञ्जमा १२ वटा कोशी टप्पु वन्यजन्तु आरक्ष र तीनवटा सदर चिडियाखानबाट ल्याइएको थियो । 

तीमध्ये ९ वटा मात्रै बाँकी थिए । रहनसहन र खानपान नमिलेपछि चिडिया खानाबाट ल्याएका तीन अर्ना डेढ महिनामै मरेका थिए । त्यस्तै एउटा बाघको आक्रमणबाट र दुईवटा बाढीमा बगेर मरेका थिए । रासस