सिरहा : सिरहाको लहान नगरपालिका– १८ मा एक जनाले रक्सीले मातेर आफ्नै बुबाको हत्या गरेका छन् । शुक्रबार लहानको हाटबजारबाट रक्सी खाएर घर पुगेका २५ वर्षीय संजय सदाले आफ्नो बुबा ४५ वर्षीय उमेश सदायलार्इ कुटपिट गेरी हत्या गरेका हुन् । घाइते सदायलार्इ उपचारका लागि लहान ल्याए पनि उपचार सम्भव नहुदाँ विराटनगर रेफर गरिएको थियो ।
उपचारकै क्रममा उनको मृत्यु भएको इलाका प्रहरी कार्यालय लहानका डिएसपी राजेश थापाले बताए । उनका अनुसार हत्या आरोपित संजयलाइ प्रहरीले पक्राउ गरेको छ । ‘कुन विषयमा बुबा छोराबीच विवाद भयो भन्नेबारे अहिलेसम्म खुल्न सकेको छैन’ उनले भने ।
प्रतिक्रिया दिनुहोस !
