काठमाडौं : अन्तर्राष्ट्रिय नेपाली साहित्य समाज (अनेसास)को अध्यक्षमा राधेश्याम लेकाली निर्वाचित भएका छन्।
प्रतिस्पर्धी गोवद्र्धन पूजालाई पछि पार्दै लेकाली अध्यक्ष पदमा विजयी भएका हुन्। अनेसासको १३ औं कार्यसमितिका लागि भएको निर्वाचनमा लेकालीले ५७० मत पाए भने पूजाले ३५९ मतमात्र पाए।
त्यसैगरी महासचिवमा गणेश घिमिरे, वरिष्ठ उपाध्यक्षमा प्रकाश पौडेल निर्वाचित भएका छन्। सचिवमा लालगोपाल सुवेदी निर्वाचित भए भने कोषाध्यक्षमा विकास विष्ट विजयी एका छन्।
अध्यक्षमा निर्वाचित लेकालीले २०१८–२०२० को कार्यसमितिमा विजयी गराउने सबैलाई धन्यवाद दिएका छन्। सँगै उनले अब चुनावी प्रतिस्पर्धा सकिएकाले सबै मिलेर अघि बढ्नुपर्ने बताएका छन्।
‘अब चुनावी प्रतिस्पर्धा सकिएको हुनाले यस क्रममा भएका तिक्ततालाई बिर्सेर सबै एकजुट भई एकआपसमा हातेमालो गर्दै नेपाली भाषासाहित्य, कला, संस्कृतिको विश्वव्यापीकरणमा क्रियाशील हुनाका लागि म सम्बद्ध सबैलाई हार्दिक अनुरोध गर्दछु’, निर्वाचित भएपछि लेकालीले भने।
प्रतिक्रिया दिनुहोस !
