ओखलढुंगा : सोलुखुम्बुमा पहिरोले दुई परिवार विस्थापित भएका छन् । जिल्लाको लिखुपिके गाउँपालिका–५, भकाञ्जेमा पहिरोले घरको आगनसमेत बगाएपछि उनीहरु विस्थापित भएका हुन् । विस्थापित हुनेमा सुब्बा थामी र सुकवीर थामी रहेको प्रहरीले जनाएको छ ।
पहिरोले घर नै जोखिममा परेपछि अहिले आफन्तकोमा बस्दै आएको पीडित सुकवीर थामीले बताए । घर आसपासबाट पानीको मुल निस्केर पहिरो गएको उनले उनले जानजकारी दिए । पहिरोले घरको वरपर, दलान आँगन समेत चिरा चिरा परेपछि उनीहरु विस्थापित भएका हुन् ।
लिखुपिके गाउँपालिका–५ का अध्यक्षले पहिरो रोकथामका लागि गाउँपालिकासँग छलफल गरेर काम थालिने बताए। गाउँपालिकाको वातावरण तथा विपद् व्यवस्थापन समितिबाट पीडितलाई सहयोग गरिने उनले जनाए । पहिरो रोकथाम गर्न जिल्ला प्रशासन कार्यालय सोलुखुम्बुले १० थान जाली उपलब्ध गराएको जनाएको छ ।
प्रतिक्रिया दिनुहोस !
