काठमाडौं : ‘केसीसी व्यावसायिक पत्रकारिता पुरस्कार, २०७५’ बाट वरिष्ठ पत्रकार मोहन मैनाली र पत्रकार माया पकुवाल सम्मानित भएका छन्।
कान्तिपुर सिटी कलेजद्वारा स्थापित २५ हजार राशीको पुरस्कारबाट वरिष्ठ पत्रकार मैनाली र पकुवाललाई पत्रकार महासंघका अध्यक्ष गोविन्द आचार्य र राष्ट्रिय सूचना आयोगकी आयुक्त यशोदादेवी तिम्सिनाले सम्मान गरे।
वरिष्ठ पत्रकार मैनाली तीन दशकदेखि पत्रकारितामा सक्रिय छन्। अनुसन्धानमूलक रिपोर्टिङ्ग, वातावरण विट, फिल्ड रिपोर्टिङ्ग गरेका मैनाली पछिल्ला दिनमा डकुमेन्ट्री र मिडिया तालिमकर्ताका रूपमा कार्य गर्दै आएका छन्।
पत्रकार पकवाल झापाबाट प्रकाशित वरुण साप्ताहिकको प्रधान सम्पादक हुन्। पकवालको केही समय अघि मात्रै किड्नीको शल्यक्रिया गरिएको थियो।
प्रतिक्रिया दिनुहोस !
