विप्लवलाई अर्को झट्का, ‘सभामुख' पनि पक्राउ परिन्

काठमाडौँ : काभ्रेमा आगजानी गरेको मुद्दामा फरार रहेको भन्दै शिलु भनिने नेकपा पोलिटब्यूरो सदस्य उमा भुजेललाई काठमाडौं प्रहरीले पक्राउ गरी काभ्रे पठाएको छ । 

विप्लवले गठन गरेका जनसत्ता अन्तरगत संसदकी सभामुख पनि रहेकी भुजेलले तत्कालीन माओवादी पार्टीमा ब्रिगेड कमाण्डर र कमिश्नारको भूमिका निर्वाह गरेकी थिइन् । 

गोरखा जेल ब्रेक गर्दाकी कमाण्डर उनी माओवादी शान्ति प्रक्रियामा फर्किएपछि अन्तरिम संसदकी सदस्य पनि भएकी थिइन् । 

गृह मन्त्रालयले विप्लवका सबै कार्यकर्ता पक्राउ गर्न प्रहरी प्रधान कार्यालयलाई अतिगोप्य पत्राचार पनि गरेको छ । पुराना र नयाँ घटनालाई ब्यूँताएर मुद्दा चलाउने तयारी सरकारले गरेको छ। 

उच्च प्रहरी स्रोतका अनुसार विप्लवले सैन्य गतिविधिका लागि तत्कालीन माओवादीका सैन्य विभागमा अनुभवीको साथ लिएर काम थालेको गोप्य सूचना छ । त्यही सूचना गृहमन्त्री बादलसमक्ष पुगेपछि विप्लवका कार्यकतालाई पक्राउ गर्न निर्देशन दिएका हुन् । 

• सरकार क्रान्तिकारी र देशभक्तलाई सखाप पार्ने योजनामा छ: विप्लव
• विप्लवसहितका नेताविरुद्ध मुद्दा, जारी गरियो पक्राउ पूर्जी
• एउटा डायरीको अभिलेखले अफ्ठेरोमा विप्लवका प्रवक्ता प्रकाण्ड
• विप्लवका प्रवक्ता प्रकाण्ड सर्वोच्च परिसरबाटै फेरि पक्राउ
• विप्लवका प्रवक्ता प्रकाण्ड नुवाकोट प्रहरी हिरासतमा
• विप्लवका प्रवक्ता प्रकाण्ड अझै तीन दिन थुनामा
• सरकारसँग वार्तामा बस्न विप्लव सकारात्मक
• प्रकाण्डलाई रिहा नगरे खोसेर लाने विप्लवका नेताको चेतावनी
• प्रधानमन्त्रीको सुरक्षामा विप्लवका असल खड्काको थ्रेट ?