विराटनगर : मोरङको सुनवर्षी नगरपालिका- ८ स्थित सिक्टी-डाईनिया सडकखण्डबाट बुधबार एक जनालाई प्रहरीले लागूऔषधसहित पक्राउ गरेको छ। को ३० प ४७६३ नम्बरको स्कुटरको डिकीमा राखेर लागूऔषध लिएर आउँदै गरेका पथरीशनिश्चरे नगरपालिका १ का २४ वर्षीय रुपेश मिजारलाई पक्राउ गरिएको इलाका प्रहरी कार्यालय रंगेलीका प्रहरी निरीक्षक कविन्द्र कार्कीले बताए।
मिजारले चलाएको स्कुटरको डिकीबाट एक सय ५० ट्याब्लेट नाइट्राभेट, ४० ट्याब्लेट स्पासप्रोक्रन र तीन बोतल कारेक्स बरामद भएको उनको भनाइ छ।
पक्राउ परेका मिजारविरुद्ध लागूऔषधसम्बन्धी मुद्धा चलाउन अदालतबाट म्याद थप गरेर अनुसन्धान अघि बढाइएको प्रहरीले जनाएको छ।
प्रतिक्रिया दिनुहोस !
