काठमाडौँ : बिमस्टेक सम्मेलनका लागि राजधानी उपत्यकामा बुधबारदेखि सार्वजनिक र निजी सवारीमा जोरबिजोर प्रणाली लागू गरिएको छ । उपत्यका भर सञ्चालित सबै सवारीमा लागू गरिएको यो नियमानुसार आज (बिहीबार) जोर नम्बर प्लेट भएका सवारीसाधनले मात्रै गुड्न पाउँछन् ।
सरकारले बिमस्टेकका क्रममा उपत्यकाका सबै निजी तथा सरकारी कलेज र विद्यालय दुर्इ दिन बिदा दिइसकेको छ । मोटरसाइकलसहित सबै किसिमका सवारी साधनमा जोर बिजोर प्रणाली लागू गरिएको छ।
सरकारले तीन दिनका लागि तोकेको नियम अनुसार बुधवार विजोर नम्बर प्लेटका गाडी गुडे । बिहीबार (आज) सार्वजनिक तथा निजी सवारीका नम्बर प्लेटको अन्तिम अंक ६०, ८० ९०, २, ४, ६, ८०, ४०, ५० भएका सवारीसाधन सडकमा निस्कन पाउनेछन् ।
सरकारले अत्यावश्यक कामका लागि निस्कने बाहेक सरकारी साधनमा पनि जोरबिजोर लागू गरेको छ । यदि यो नियमको पालना नगरेमा ट्राफिक प्रहरीले सवारीसाधन नियन्त्रणमा लिने छन् भने ५०० रुपैयाँसम्म जरिबाना पनि तिराउने महानगरीय ट्राफिक महाशाखाले जनाएको छ ।
सरकारको जोरबिजोर नियम तथा विदेशी भीभीआईपीहरुको ओहोरदोहोर चलिरहने भएकाले सार्वजनिक यातायातमा पनि असर गर्नेछ । गौशालादेखि, विमानस्थल, तीनकुने, बानेश्वर, थापाथली, माइतीघर, त्रिपुरेश्वर, टेकु, कालिमाटी, सोल्टीमोड र कलंकीसम्मको यातायात प्रभावित हुने अवस्था छ ।
प्रतिक्रिया दिनुहोस !
