तौलिहवा : कपिलवस्तुमा एक गर्भवती महिला बलात्कृत भएकी छिन् । जिल्लाको विजयनगर गाउँपालिका ७ की अन्दाजी ३८ वर्षीया महिला बलात्कृत भएकी हुनु । उनको आठ महिनाको गर्भ रहेको बताइएको छ ।
घरमा श्रीमान नभएको मौका छोपी गत भदौ १२ गते राति १० बजेतिर ती महिला माथि जबरजस्ती करणी भएको प्रहरीले जनाएको छ । प्रहरीका अनुसार तीन जनाले महिलामाथि बलात्कार गरेका हुन् ।
महिलालाई बलात्कार गरेको आरोपमा प्रहरीले तीन जनालाई पक्राउ गरेको छ । पीडीत महिलाका श्रीमानले भदौ १३ गते किटानी जोहरी दिएपछि स्थानीय बकान्चु केवट, प्रल्हाद केवट, बर्षादी केवट पक्राउ परेको जिल्ला प्रहरी कार्यालयका प्रहरी नायब उपरीक्षक रबि रावलले बताए ।
राम्ररी बोल्न नसक्ने र मानसिक रुपमा कमजोर रहेकी ८ महिने गर्भवती महिलालाई तीन जनाले बलत्कार गरकोे पीडीत महिलाका श्रीमानले प्रहरीलाई दिएको जाहेरीलाई उदृत गर्दै इ्लाका प्रहरी कार्यालय गणेशपुरले जनाएको छ । बर्षादी भदौ १३ गते र भदौ १४ गते प्रहद पक्राउ परेको प्रहरीले जनाएको छ ।फरार रहेका घटनाका मुख्य आरोपी बकान्चु केवटलाई कृष्णनगरबाट आइतबार साँझ पक्राउ गरिएको इलाका प्रहरी कार्यालय गशेणपुरका प्रहरी निरीक्षक नवीन पौडेलले बताए ।
घटनाको अनुसन्धान र ओरोपीहरुसँग बयान लिने काम भइरहेको उनले बताए । पीडीत महिलालाई उपचारका लागि बहादुरगंज अस्पताल लगिएको थियो । उपचार पछि उनलाई घर पठाइएको र उनको अवस्था सामान्य रहेको प्रहरी निरीक्षक पौडेलले बताए । पक्राउ परेका अभियुक्तहरुबिरुद्ध जबरजस्ती करणी अन्तर्रगत मुद्दा चलाइने उनले बताए ।
प्रतिक्रिया दिनुहोस !
