विराटनगर : नेपाल पत्रकार महासंघ प्रदेश एक समितिले पुर्ण प्रेस स्वतन्त्राको ग्यारेन्टी माग गर्दै सरकारलाई ज्ञापन पठाएको छ । महासंघको प्रदेश समितिले बुधबार प्रदेश १ का आन्तरिक मामिला तथा कानुन मन्त्री हिक्मत कार्कीमार्फत् प्रधानमन्त्रीलाई ज्ञापनपत्र पठाएको हो ।
भदौ १ मा जारी भएको मुलुकी फौजदारी र देवानी संहिताका कतिपय प्रावधान प्रेस स्वतन्त्रता विरोधी बुँदाहरु सच्याउन माग गर्दै महासंघको प्रदेश १ समितिले माग गरेको छ ।
महासंघका प्रदेश १ अध्यक्ष विक्रम लुइँटेलले मन्त्री कार्कीलाई ज्ञापनपत्र हस्तान्तरण गर्दै प्रेस स्वतन्त्रतामा तलमाथि हुन नहुने माग गरे ।
ज्ञापनपत्र बुझ्दै प्रदेश सरकारका प्रवक्ता समेत रहेका मन्त्री कार्कीले यसलाई केन्द्र सरकारमा पठाइने बताए । उनले भदौ १ मा जारी मुलुकी फौज्दारी र देवानी संहिता विभिन्न क्षेत्रमा देखिएका छाडापनलाई नियन्त्रण गर्ने दाबी पनि गरे ।
कार्कीलले पत्रकारिता पेशालाई पुर्ण स्वतन्त्र राख्न आवश्यक कानुनको स्पष्ट ब्याख्याका निम्ति पहल गर्ने आवश्वासन पनि दिएका छन् ।
प्रतिक्रिया दिनुहोस !
