नेपालगन्ज : दुर्लभ रेड पाण्डाको छालासहित एकजना नेपालगन्जमा पक्राउ परेका छन् । आज दिउँसो ५ नम्बर प्रदेश प्रहरी कार्यालय अनुसन्धान ब्यूरोको टोलीले न्यूरोडको होटल स्वस्तिकबाट रेड पाण्डाको छालासहित जगीन्द्र बहादुर शाहीलाई पक्राउ गरेको हो ।
बाजुराको कात्तिकस्वामी गाउँपालिका–३ घर भएका ३५ वर्षीय शाहीलाई सुराकीको आधारमा स्वस्तिक होटलको १०३ नम्बरको कोठाबाट पक्राउ गरिएको प्रहरी निरीक्षक देवीप्रसाद पौडेलले जानकारी दिए । पक्राउ परेका शाहीलाई थप कारबाहीका लागि जिल्ला बन कार्यालय बाँकेको जिम्मा लगाईएको छ ।
रेड पाण्डाको छाला शाहीले बाजुराबाट बिक्रीका लागि नेपालगन्ज लिएर आएको प्रहरीको भनाइ छ । दुर्लभ रेड पाण्डाको तस्करी गर्नेलाई ५ लाखदेखि १५ लाख रुपैयाँसम्म जरिवाना र ५ बर्षदेखि १५ वर्षसम्म कैद हुने कानुनी व्यवस्था छ ।
प्रतिक्रिया दिनुहोस !
