ललितपुर : स्कुटरको नम्बर परिवर्तन गर्दै गहना चोरीमा संलग्न दुर्इजनालाई ललितपुर प्रहरीले सार्वजनिक गरेको छ ।
ललितपुर महानगरपालिकाको इखालखु बस्ने वर्ष ३० वर्षीय शैलेश ताम्राकार र लुखुशीका २५ वर्षीय लोलिनकाजी महर्जनलाई महानगरीय प्रहरी परिषद् जाउलाखेलले पक्राउ गरेको हो । उनीहरु गाःवहालबा पक्राउ परेका हुन् ।
ताम्राकार र महर्जन दुबैले ललितपुरका भित्री बस्तीमा चोरीको स्कुटरको सहायतामा गहना लुटपाट गर्दै आएका थिए ।
चोरेर प्रयोग गरेको बा ५४ प ४७६९ (वास्तविक बा ८५ प ४०६२) नम्बर र बा ९५ प ४०६२ (वास्तविक बा ९५ प ५८९९) को दुई स्कुटर बरामद गरिएको हो।
त्यस्तै पाँच थान सिक्री तथा एक थान लकेट, दुई थान बिलबुक, सुन जोख्ने एक थान मेसिन बरामद गरिएको छ।
प्रतिक्रिया दिनुहोस !
