बनेपा : काभ्रेको पाचँखाल नगरपालिका–१२ कासकोटमा तीज कार्यक्रममा सहभागी भई दर खाएका ७० भन्दा बढी महिला र बालबालिका बिरामी परेका छन्। शुक्रबार ग्रामीण स्वाबलम्बन बहुउद्देश्यीय सहकारी संस्थाको आयोजनामा तीज विशेष कार्यक्रममा दर खाएका महिला र बालबालिका ‘फुड प्वाइजन’का कारण बिरामी परेको जिल्ला प्रहरी कार्यालय काभ्रेले जानकारी दिएको छ।
बनेपा शिरमेमोरियल अस्पतालमा दर खाएर बिरामी परेका महिलाहरूको उपचार गरिँदै । तस्बिर साैजन्य : देवराज केसी
बिरामीहरुको पाँचखाल मेडिकल, धुलिखेल अस्पताल, बनेपास्थित शिरमेमोरियल अस्पतालमा उपचार भइरहेको जिल्ला प्रहरी कार्यालयका एसपी रविराज खड्काले जानकारी दिएका छन्। केही बिरामी उपचारपछि घर फर्किएको र अन्यको उपचार भएरहेकाे प्रहरीले जनाएको छ। अन्य बिरामीहरुलाई पनि प्रहरीको सहयोगमा उपचारका लागि अस्पताल ल्याउने काम भइरहेको एसपी खड्काले बताए । तीज कार्यक्रममा करीब दुई सय भन्दा बढीले खाना खाएको बताइएको छ ।
दर खाएका कारण बिरामी परेका महिला, बालकालिकाको पाँचखाल मेडिकलमा उपचार गरिँदै । तस्बिर सौजन्य : आर के मैनाली
प्रतिक्रिया दिनुहोस !
