रोल्पा : मृत्युको पर्खाइमा रहेका पति जेलमुक्त हुँदा को खुशी नहोला ! ब्लडमनी तिर्न नसक्दा साउदी जेलमा रहेका पति रिहा भएको खवरले रोल्पा नगरपालिका–१० धबाङकी मनिका घर्तीमगरका आँखा खुसीले रसाए । ६७ लाख रुपैयाँ ब्लडमनी तिरेपछि दिलबहादुर भदौ २१ गते रिहा भएका हुन् ।
मनिकाको मोबाईलमा शुक्रबार साँझ साउदीको अपरिचित नम्बरबाट फोन आयो । उनले फोन रिसिभ गर्ने वित्तिकै पति दिलबहादुर बोले, ‘म जेलबाट रिहा भएँ ।’ सुखद खवरले त्यतिवेला मनिकाको मन खुसीले ढक्क फुल्यो । उनका आँखा रसाए । केही समय त हर्षले शब्द समेत फुरेनन् उनका ।
दुई वर्षदेखि साउदीमा जेलजिवन विताइरहेका पति रिहा भएको खवर मनिकाले शनिबार बिहान अन्नपुर्ण पोस्टलाई बताइन् । ‘पतिले रिहा भएँ भनेर शुक्रबार साँझ आठ वजे फोन गर्नुभयो ।’, खुसी हुँदै मनिकाले भनिन्, ‘वंगालीको कोठामा छु भनेर फोन गर्नुभयो । कानूनी प्रक्रिया पु¥याएर नेपाल फर्कने भन्नु भएको छ ।’ साउदीस्थित नेपाली दुतावासका प्रतिनिधिको रोहबारमा दिलबहादुर रिहा भएका हुन् ।
ट्राफिक प्रहरी कार्यालयमा केही कानूनी प्रक्रिया बाँकी रहेको र जेल पर्दाताका उनी कार्यरत कम्पनिमा कागजी प्रक्रिया मिलाएर नेपाल फर्कने उनले परिवारलाई जानकारी गराएका छन् । जेलमुक्त भएपछि उनको साथमा कोही नेपालीको फोन नम्बर भएन् । संयोगले वंगालीको कोठामा पुगेको र उनकै नम्बरबाट परिवारलाई खवर गरेका हुन् ।
यसरी जुट्यो ब्लडमनी
दिलबहादुरले चलाएको ट्रकले साउदी नागरिक ओतिन विन दिगफाको मृत्यु भएपछि अदालतले २ लाख २५ हजार साउदी रियाल ब्लडमनी दिनुपर्ने पैmसला गरेको थियो । २०७३ जेठ ३१ गतेको उक्त दुर्घटनाका कारण उनी जेल परेका थिए ।
ब्लडमनी तिर्न नसक्दा जेलमै रहेको समाचार सञ्चारमाध्यममा सार्वजनिक भएपछि मनकारीले सहयोग संकलन अभियान संचालन गरेका थिए ।
दिपेश पुनको संयोजकत्वमा दिलबहादुर वचाउन ब्लडमनी संकलन मूल समिति गठन भएको थियो । मूलसमितिको नेतृत्वमा विदेशमा रहेका मनकारी रोल्पाली र नेपालीले व्लडमनी संकलन गरेका थिए । गृह जिल्लामा पनि स्थानीय तह, वाईसियल, उद्योग वाणिज्य संघलगायतले ब्लडमनी संकलन गरी मूल समितिलाई हस्तान्तरण गरेका थिए ।अन्तराष्ट्रिय रोल्पाली सेवा समाजले मूलसमितिलाई १५ लाख रुपैयाँ हस्तान्तरण गरेको थियो । दिलबहादुरका पत्नी मनिका र मूलसमिति संयोजक पुनलगायतको संयुक्त हस्ताक्षरित बैंक खातामा १ करोड ४ लाख २३ हजार ब्लडमनी संकलन भएको थियो । संयोजक पुनका अनुसार परराष्ट्र मन्त्रालयमार्पmत ६७ लाख रुपैयाँ साउदी दूतावासमा पठाईएको थियो । ‘९० दिनको अभियानमा ब्लडमनी संकलन गरियो’, अभियन्ता पुनले भने, ‘जेलमा रहेका दिलबहादुर रिहा भएको खवरले सहयोगी सबै खुसी भएका छौं ।’ ब्लडमनी पठाएको २१ दिनपछि उनी रिहा भएका हुन् ।
नेपाल फर्कंदा त्रिभुवन अन्तर्राष्ट्रिय विमानस्थलमा दिलबहादुरलाई स्वागत गर्ने तयारी मूल समितिले गरिरहेको छ । स्वागतकै क्रममा पत्रकार सम्मेलन गरी सहयोग रकमको विवरण र खर्च सार्वजनिक गर्ने संयोजक पुनले वताए । ब्लडमनीका रुपमा संकलित ३७ लाख २३ हजार रुपैयाँ के गर्ने भन्नेबारे दिलबहादुर नेपाल फर्किएपछि निश्कर्ष निकालिने भएको छ ।
प्रतिक्रिया दिनुहोस !
