बैतडी : महाकाली राजमार्ग अन्तर्गत बैतडीको सतबाँझ–गोकुलेश्वर सडकखण्डको बांगाबगर नजिक सोमबार साँझ बस ठोक्किँएका छन्। बस ठोक्किँदा १९ यात्रु घाइते भएको जिल्ला प्रहरी कार्यालय बैतडीका प्रहरी प्रवक्ता कान्तिराज जोशीले जानकारी दिए।
महेन्द्रनगरवाट दार्चुलाका लागी छुटेको ना ६ ख ७४२० बस र गन्नावाट महेन्द्रनगरका लागि छुटेको ना ४ ख ७५४७ नम्बरको बस ठोक्किँएका हुन्।
घाइतेको गोकुलेश्वर अस्पतालमा उपचार भइरहेको छ। घाइतेको नाम खुल्न नसकेको प्रहरीले जनाएको छ। बस ठोक्किँनुको कारण खुल्न सकेको छैन। दुर्घटनाको थप अनुसन्धान भइरहेको जिल्ला प्रहरी कार्यालय बैतडीले जनाएको छ। घाइतेको अवस्था समान्य रहेको छ।
प्रतिक्रिया दिनुहोस !
