वासिङटन : अमेरिकी राष्ट्रपति डोनाल्ड ट्रम्पले अमेरिकी भूमिमा भएको सबैभन्दा ठूलो आतंकवादी हमलाको १७ वर्षका सिलसिलामा पेन्सिलभेनियाको स्मारकमा आयोजना गरिने विशेष कार्यक्रममा सहभागी भएका छन् ।
सेप्टेम्बर ११, २००१ का दिन आतंककारीले तीनवटा विमान अपहरण गरी अमेरिकाका महत्वपूर्ण तीनवटा संरचनामा आक्रमण गरेका थिए । तीमध्ये दुईवटा विमानले न्युयोर्कस्थित वल्र्ड ट्रेड सेन्टरमा आक्रमण गरिएको थियो भने एउटा विमानले अमेरिकी रक्षा मन्त्रालय, पेन्टागनमा आक्रमण गर्ने योजना थियो । तेस्रो विमानमा भने यात्रुको प्रतिरोधका कारण विमान पेन्टागन नपुग्दै स्याक्सनभिल्लेमा झरेको थियो । त्यस विमानमा सवार ४० जनाभन्दा बढी यात्रु र चालकदलका सदस्य सबैको मृत्यु भएको थियो ।
यद्यपी वल्र्ड ट्रेड सेन्टरमा भएको विमान आक्रमणबाट सबैभन्दा ठूलो क्षति भएको थियो । आतंकवादी संगठन अल–कायदाका नेता ओसामा बिन लादेनको निर्देशनमा भएको उक्त आक्रमणबाट ३ हजारभन्दा बढी मानिस मारिएका थिए । करिब एक दशकपछि तत्कालीन राष्ट्रपति बाराक ओबामाको आदेशमा अमेरिकी सेनाको कारबाहीमा मे २०११ मा बिन लादेन मारिएका थिए ।
‘राष्ट्रपति ट्रम्प सहभागी हुने कार्यक्रममा त्यस विनाशकारी घटनाबाट ज्यान गुमाउनेहरूप्रति सम्मान प्रकट गरिएको छ । उक्त आक्रमण हुँदा जीवन जोखिममा राखेर उद्धार कार्यमा खटिने व्यक्तिहरूलाई सम्मान गरियो’, ह्वाइट हाउसकी प्रवक्ता सारा स्यान्डर्सले भनिन् । राष्ट्रपति चुनिएपछि गत वर्ष ट्रम्प पहिलोपटक वार्षिक समारोहमा सहभागी हुन भएको थियो । उपराष्ट्रपति माइक पेन्स पनि मंगलबारको समारोहमा सहभागी हुने कार्यक्रम छ ।
सन् २००१ को आक्रमणका समयमा राष्ट्रपति ट्रम्प वल्र्ड ट्रेड सेन्टरबाट करिब ६.५ किलोमिटर टाढाको आफ्नै ट्रम्प टावरमा थिए । उनीसँग सेप्टेम्बर ११ को घटनाप्रति मि िश्रत धारणा रहेको छ । उनले पूर्व राष्ट्रपति जर्ज डब्लु बुसले अमेरिकी जनतालाई सुरक्षित राख्न नसकेको भन्दै आलोचना गर्ने गरेका छन् । ट्रम्पले टावर भत्किदाँ हजारौं मुस्लिमले न्युजर्सीको जर्सी सिटीमा खुशीयाली मनाएको बताउनुभएको छ । मुस्लिम समुदायले त्यस्तो खुशीयाली मनाएको कुनै पनि टेलिभिजनले देखाउन सकेका छैनन् । ट्रम्पले न्यूयोर्क आक्रमणमा सयौं मित्र गुमाएको बताउँदै आएका छन् । राष्ट्रपति ट्रम्पले मारिएका कुनै निश्चित व्यक्तिको नाम लिएका छैनन् । –एपी
प्रतिक्रिया दिनुहोस !
