राजविराज : संघीय समाजवादी फोरमका अध्यक्ष उपेन्द्र यादवलाई कालो झण्डा देखाउने ६ जना पक्राउ परेका छन्।
राजविराजमा आयोजित पार्टी प्रवेश कार्यक्रममा सहभागी हुन आएका फोरम नेपालका अध्यक्ष र उपप्रधान एवं स्वास्थ्य तथा जनसंख्यामन्त्री यादवलाई कालो झण्डा देखाउने ६ जना पक्राउ परेका हुन्।
एसपी राजेन्द्र विष्टका अनुसार स्वतन्त्र मधेस गठबन्धनका जिल्ला संयोजक सुरेन्द्रप्रसाद शर्मासहित ६ जना पक्राउ छन् ।
सप्तरीमा यादवले कार्यक्रम गर्न लागेको थाहा पाएपछि गठबन्धनका कार्यकर्ता विरोधमा उत्रिएका थिए । गठबन्धनका स्थानीय नेता तथा कार्यकर्ताले कालो झण्डा देखाएर नाराबाजी गर्ने प्रयासका क्रममा उनीहरु पक्राउ परेका हुन् ।
पक्राउ पर्नेमा शर्मासहित राजविराज ५ का भुपेन्द्रप्रसाद दास, कञ्चनरुप १ का अनिल पञ्जियार, छिन्नमस्ता ४ का धर्मदेव यादव, हनुमाननगर कंकालिनी ११ का गुलाब मण्डल र जीवन लौगी रहेको प्रहरीले जनाएको छ ।
प्रतिक्रिया दिनुहोस !
